Ուսանողները ծանոթացան Ֆրանսիայի համալսարաններում սովորելու հնարավորություններին
ՀՊՏՀ արտաքին կապերի բաժնի կազմակերպած միջոցառման շրջանակում այսօր մեր համալսարանում էր Հայաստանում Ֆրանսիայի դեսպանության համալսարանների համագործակցության գծով պատասխանատու Ֆրեդերիք Ռեյնբոլդը: Հանդիպմանը մասնակցում էին դասախոսներ, Ֆրանսիայում ուսանել ցանկացող բակալավրիատի, մագիստրատուրայի ուսանողներ և ասպիրանտներ:
Դեսպանատան ներկայացուցիչը խոսեց ֆրանսիական բարձրագույն կրթական համակարգի առավելությունների մասին՝ առանձին-առանձին անդրադառնալով 3 կրթաձևերին: Ֆրանսիայի համալսարանների կողմից օտարերկրացի ուսանողներին առաջարկվող կրթաթոշակային ծրագրերը բանախոսության առանցքում էին: Հարցուպատասխանի միջոցով ներկաները տեղեկատվություն ստացան մուտքի վիզա ստանալու և նմանօրինակ հարցերի մասին:
Դեսպանատան ներկայացուցիչը տեղեկատվական մի քանի աղբյուրներ նշեց, որոնք կարող են օգտակար լինել ֆրանսիական բուհերով հետաքրքրված ուսանողներին:
Քննարկվեցին ՀՊՏՀ-ի և ֆրանսիական համալսարանների հնարավոր համագործակցությանն առնչվող հարցեր:
Համալսարանի արտաքին կապերի բաժինը մեզ է տրամադրել Ֆրեդերիք Ռեյնբոլդի այսօրվա բանախոսության էլեկտրոնային տարբերակը, որին կարող եք ծանոթանալ այստեղ:
ՀՊՏՀ Լրատվության և հասարակայնության հետ կապեր բաժին