ՀՊՏՀ-ում մեկնարկել են միջանկյալ քննությունները
Հայաստանի պետական տնտեսագիտական համալսարանում այսօր առավոտյան մեկնարկեցին 2016-2017 ուստարվա առաջին կիսամյակի առկա բակալավրիատի 2-4-րդ կուրսերի միջանկյալ քննությունները:
Հիշեցնենք, որ առաջին անգամ միջանկյալ քննություններում ներդրվել է նոր մոտեցում և համակարգչային քննություններում ներգրավվել են արտաքին հսկիչներ, որոնք ուսումնական բաժնի աշխատակիցների հետ կվերահսկեն համահամալսարանական համակարգչային քննությունների անցկացման ընթացքը: Գործընթացի տեխնիկական մասն ապահովում են ՀՊՏՀ տեղեկատվական տեխնոլոգիաների կենտրոնի աշխատակիցները:
Այսօր քննասենյակներ այցելեցին ՀՊՏՀ ռեկտոր, պրոֆեսոր Կորյուն Աթոյանը, ուսումնակազմակերպական աշխատանքների գծով պրոռեկտոր Միհրդատ Հարությունյանը՝ ներկա գտնվելու գործընթացին:
ՀՊՏՀ Լրատվության և հասարակայնության հետ կապերի բաժին