Ավարտվեցին քաղծառայողների վերապատրաստման 2016թ. դասընթացները

ՀՊՏՀ-ում այսօր եզրափակվեցին ՀՀ քաղաքացիական ծառայողների վերապատրաստման 2016թ. դասընթացները: Սեպտեմբերի 26-ից հոկտեմբերի 7-ը մեր համալսարանում  «Շրջակա միջավայրի և բնառեսուրսային պոտենցիալի ռացիոնալ օգտագործում և կառավարում» ծրագրով վերապատրաստվել են  գլխավոր և առաջատար պաշտոններ զբաղեցնող  3 տասնյակ քաղծառայողներ, որոնք այսօր ստացան վկայականներ:

Ուսումնական բաժնի առաջատար մասնագետ Սեդա Մանուկյանը, հանձնելով վկայականները, շնորհավորեց ու նորանոր ձեռքբերումներ մաղթեց քաղծառայողներին:

Հիշեցնենք, որ այս տարվա վերապատրաստման դասընթացները մեկնարկել էին գարնանը: Սեդա Մանուկյանի փոխանցմամբ՝ 2016 թվականի ընթացքում մեր բուհում վերապատրաստվել է 120 քաղծառայող:

ՀՊՏՀ Լրատվության և հասարակայնության հետ կապերի բաժին