Անցկացվեց «Էրասմուս+»-ի դիմորդների անգլերենի քննությունը

Դիտումների քանակ՝ 1531

ՀՊՏՀ բակալավրիատի և մագիստրատուրայի այն ուսանողները, ովքեր «Էրասմուս+» ծրագրի 2016-2017 ուստարվա դիմորդ են և չունեն “TOEFL”-ի կամ  “IELTS”-ի գնահատական՝  անգլերենի քննություն  հանձնեցին համալսարանում: Այսօր  այն ուսանողների քննությունն է, որոնք  դիմել են  Պորտոյի համալսարանում ուսանելու համար:

ՀՊՏՀ լրատվության և հասարակայնության հետ կապերի բաժնի հետ զրույցում արտաքին կապերի բաժնի պետ Վարդ Ղուկասյանը նշեց, որ անգլերենի քննությանը շեշտը դրվում է  3 բաղադրիչի վրա՝  ընթերցանություն (reading), գրավոր խոսք (writing) և լսողություն (listening):

Քննությունը հաղթահարած ուսանողները մասնակցելու են  նաև հարցազրույցի (speaking): «Էրասմուս+»-ի դիմորդների անգլերենի հաջորդ քննությունները  կկազմակերպվեն  այլ համալսարաններում ուսանելու համար հայտերը ներկայացնելու վերջնաժամկետներից առաջ:

Մեր դիմորդներին  մաղթում ենք հաջողություն:

ՀՊՏՀ Լրատվության և հասարակայնության հետ կապերի բաժին