Հավաստագրեր ստացան վերապատրաստված քաղծառայողները

Այսօր հավաստագրեր ստացան մեր համալսարանում «ՀՀ արտաքին տնտեսական կապերը և Եվրասիական միությունը» ծրագրով  վերապատրաստված ՀՀ քաղծառայողները: Սեպտեմբերի 13-24-ը ՀՊՏՀ-ում վերապատրաստման դասընթացների են մասնակցել կրտսեր և առաջատար պաշտոններ զբաղեցնող ավելի քան երկու տասնյակ քաղաքացիական ծառայողներ:

Հավաստագրերը հանձնեցին քաղծառայողներին դասավանդած դասախոս,  ՀՊՏՀ միջազգային տնտեսական հարաբերությունների ամբիոնի  ղեկավար, տ.գ.թ., դոցենտ, Գրիգոր Նազարյանը և ուսումնական բաժնի առաջատար մասնագետ Սեդա Մանուկյանը:

Շնորհավորելով վերապատրաստված քաղծառայողներին՝ Գրիգոր Նազարյանը հույս հայտնեց, որ դասընթացները օգտակար են եղել և նոր գիտելիքներ են փոխանցել:

Նշենք, որ սեպտեմբերի 26-ին «Շրջակա միջավայրի և բնառեսուրսային պոտենցիալի ռացիոնալ օգտագործում և կառավարում» խորագրով կմեկնարկեն  քաղծառայողների 2-րդ  խմբի դասընթացները:

ՀՊՏՀ Լրատվության և հասարակայնության հետ կապերի բաժին