Մշակել որակի ապահովման արդյունավետ մոդելներ. քննարկումներ ՀՊՏՀ-ում

Դիտումների քանակ՝ 993

Մեր համալսարանում շարունակվում են  ԵՄ ՏԵՄՊՈՒՍ-ի «Հայաստանի բարձրագույն կրթության որակի ապահովման գործընթացներում ուսանողների մասնակցության ընդլայնում» (ESPAQ - Enhancing Students Participation in Quality Assurance in Armenian HE) ծրագրի շրջանակներում երեկ մեկնարկած քննարկումները: Աշխատանքային 2-րդ օրվա ընթացքում քննարկումների առանցքում են ծրագրի մասնակից գործընկերների լիազորությունների, անելիքների հստակեցման հարցերը, նրանց գործունեության հիմնական շրջանակները:

Ինչպես մեզ հետ զրույցում ասաց ՀՊՏՀ որակի ապահովման բաժնի պետ Ներսես Գևորգյանը՝ ծրագրի շրջանակներում նախատեսվում է հրատարակել ձեռնարկ, որտեղ արտացոլված կլինեն գործընկերների կողմից մշակված՝  որակի ապահովման գործընթացներում ուսանողներին ներգրավելու արդյունավետության բարձրացման մեխանիզմները:

Ներսես Գևորգյանը հավելեց, որ ծրագրի շրջանակներում հայաստանյան ներկայացուցիչները   վերապատրաստումներ կանցնեն արտերկրում:

ESPAQ ծրագրի հիմնական  նպատակն է  հայաստանյան բարձրագույն կրթության համակարգում ուժեղացել որակի ապահովման գործընթացներն ու դրանց վերաբերյալ փորձառությունը՝ խրախուսելով բոլոր շահագրգիռ կողմերին և հատկապես ուսանողների ներգրավվածությունը (որպես հիմնական շահառու)  որակի ապահովման գործընթացներում:

Եռօրյա հանդիպումները կամփոփվեն վաղը՝  իրազեկող սեմինարով, որին հրավիրված են   գործատուներ, ուսանողներ, կարիերայի կենտրոնների աշխատակիցներ և այլն: Նրանց կներկայացվի ծրագրի կարևորությունը, նպատակները:

ՀՊՏՀ Լրատվության և հասարակայնության հետ կապերի բաժին