Էրազմուսյան այց Դեմոկրիտի համալսարան
«Էրազմուս+» ծրագրի շրջանակում սույն թվականի հունիսի 24-28-ը ՀՊՏՀ «Ամբերդ» հետազոտական կենտրոնի տնօրեն Դավիթ Հախվերդյանը, ուսումնական բաժնի պետ Արսեն Պետրոսյանը և բանկային գործի և ապահովագրության ամբիոնի վարիչ Աշոտ Մարդոյանը գտնվել են Թրակիայի Դեմոկրիտի համալսարանում (Հունաստան) և մասնակցել վարչական կազմի փոխանակման ծրագրին։
ՀՊՏՀ ներկայացուցիչները հանդիպումներ և արդյունավետ քննարկումներ են ունեցել հունական համալսարանի արտաքին կապերի բաժնի ղեկավար Աթանասիա Բրատիկայի հետ՝ փաստելով երկու համալսարանների ակադեմիական ու վարչական կազմի, ինչպես նաև ուսանողների շարժունության արդյունավետությունը և պարտավորվելով շարունակել իրենց աջակցությունն այս ծրագրին։
Մեր պատվիրակներն այցելել են նաև տնտեսագիտության ֆակուլտետ, որտեղ հանդիպում են ունեցել պրոֆեսոր Վիկտորիա Պիստիկուի հետ։ Հանդիպման ընթացքում պայմանավորվածություններ են ձեռք բերվել հետագա գիտահետազոտական աշխատանքները խորացնելու ուղղությամբ։