Փոփոխություններ հունվարյան քննական ժամանակացույցում
![](https://asue.am/images/1522288474/1a70e757a979e77138a4ff20.jpg)
Հիմք ընդունելով Հայաստանի Հանրապետության Կառավարության 2014թ. դեկտեմբերի 4-ի՝ աշխատանքային օրերը տեղափոխելու մասին որոշումը՝ ՀՊՏՀ ուսումնակազմակերպական բաժինը փոփոխություններ է առաջարկում 2015թ հունվարին սպասվող ստուգման գործընթացում: Այս մասին այսօր կայացած ռեկտորատի նիստում հայտնեց ուսումնակազմակերպական բաժնի պետ Արմեն Կարախանյանը՝առաջարկելով 2015թ. հունվարի 8-ին և 9-ին հեռակա մագիստրատուրայում և հեռակա բակալավրիատում նախատեսված ստուգարքներն ու անհատական աշխատանքների պաշտպանությունը տեղափոխել 2015թ. հունվարի 29-ին: Ռեկտորատի որոշման քաղվածքը կհրապարակենք առաջիկայում:
![](https://asue.am/images/1522288474/b091502ceb59317d0e636413.jpg)
Ֆակուլտետների դեկանները ներկայացրեցին հեռակա մագիստրատուրայի 3-րդ կուրսերի մագիստրոսական թեզերի պաշտպանության ընթացքը: Ռեկտոր Կորյուն Աթոյանը հորդորեց հետևել մագիստրոսական աշխատանքների բովանդակությանն ու որակին: Նշվեց, որ այդ նպատակին հասնելու համար կարգ է մշակվում:
Ռեկտորատն անդրադարձավ ընթացիկ այլ հարցերի ևս:
ՀՊՏՀ Լրատվության և հասարակայնության հետ կապերի բաժին