ՀՊՏՀ պրոֆեսոր Լյովա Սամվելյանը հոբելյանի առթիվ պարգևների է արժանացել
Մեր համալսարանի ֆիզդաստիարակության, ԱԻ և քաղպաշտպանության ամբիոնի պրոֆեսոր, մակնավարժական գիտությունների թեկնածու Լյովա Սամվելյանը ծննդյան 75-ամյա հոբելյանի առիթով կազմակերպված հանդիսության ընթացքում երեկ արժանացել է մի շարք պարգևների: Ինչպես մեզ հայտնեց պրոֆեսորը՝ միջոցառմանը ներկա են եղել պաշտոնատար անձինք, պատվավոր հյուրեր:
Հայաստանի ազգային օլիմպիական կոմիտեի փոխնախագահ Դերենիկ Գաբրիելյանը պրոֆեսորին է հանձնել «Հրանտ Շահինյան» ոսկե մեդալ: Ֆիզիկական կուլտուրայի և սպորտի հայկական պետական ինստիտուտի (ՖԿՀՊԻ) ռեկտոր Վահրամ Առաքելյանը Լյովա Սամվելյանին պարգևատրվել է ոսկե հուշամեդալով՝ ՖԿՀՊԻ-ում ներդրած ավանդի համար:
Մեր պրոֆեսորին իր շնորհավորական ուղերձն է հղել և հուշամեդալով պարգևատրել Հայաստանի շախմատի ֆեդերացիայի առաջին փոխնախագահ Սմբատ Լպուտյանը: Խորհրդանշական նվեր («Ոսկե ձեռք») է հանձնել Ըմբշամարտի միջազգային ֆեդերացիայի ներկայացուցիչ Ստեփան Ղազարյանը. այս մրցանակով պարգևատրվում են աշխարհի լավագույն մարզիկներն ու մարզիչները:
Շնորհավորական ելույթ է ունեցել մեր հանրապետության մարզական լրագրողների ֆեդերացիայի նախագահ Յուրի Ալեքսանյանը:
Լյովա Սամվելյանին ՀՊՏՀ-ի անունից հուշանվեր է հանձնել նաև մեր բուհի ֆիզդաստիարակության, ԱԻ և քաղպաշտպանության ամբիոնի վարիչի ժ/պ Հովհաննես Գաբրիելյանը:
Միջոցառմանը ներկա են եղել Ազգային օլիմպիական կոմիտեի պատասխանատու քարտուղար Հրաչյա Ռոստոմյանը, ՀՀ սպորտի և երիտասարդության հարցերի նախարարության մի շարք ներկայացուցիչներ, մարզական լրագրողներ:
Հիշեցնենք, որ հոկտեմբերի 12-ի ռեկտորատի նիստում Լյովա Սամվելյանին շնորհավորել էր ՀՊՏՀ ռեկտոր, պրոֆեսոր Կորյուն Աթոյանը` իր խոսքում ընդգծելով. «Բոլորս ենք գիտակցում, հասկանում պարոն Սամվելյանի վաստակը Հայաստանի պետական տնտեսագիտական համալսարանի ֆիզկուլտուրայի ամբիոնի զարգացման գործում»:
Կրկին շնորհավորում ենք վաստակաշատ պրոֆեսորին՝ հոբելյանի և պարգևների առիթով և մաղթում քաջառողջություն ու անսպառ եռանդ:
ՀՊՏՀ Լրատվության և հասարակայնության հետ կապերի բաժին