ՀՊՏՀ գիտնականների հոդվածները՝ միջազգային գիտական համաժողովի նյութերի ժողովածուում

Դիտումների քանակ՝ 3274

«Դրամավարկային քաղաքականություն և տնտեսական աճ» գիտաուսումնական լաբորատորիայի ղեկավար, տ.գ.դ., պրոֆեսոր Աշոտ Մաթևոսյանը,  կրտսեր գիտաշխատող Տաթևիկ Ազատյանը և «Ֆինանսական ներգրավվածություն» գիտաուսումնական լաբորատորիայի ղեկավար, տ.գ.դ., դոցենտ Սերգեյ Սուքիասյանը մասնակցել են  «Ժամանակակից աշխարհում հրատապ գիտական հետազոտություններ» խորագրով 32-րդ միջազգային գիտական  համաժողովին (2017թ. դեկտեմբերի 26-27, Ուկրաինա) և հանդես եկել հոդվածներով:

2018 թ. հունվարին լույս է տեսել նշված համաժողովի նյութերի ժողովածուն, որում տեղ են գտել ՀՊՏՀ ներկայացուցիչների հոդվածները, օրերս նրանք ստացել են մասնակցության հավաստագրեր:

Աշոտ Մաթևոսյանն ու Տաթևիկ Ազատյանը համահեղինակությամբ ներկայացրել են «ՀՀ ՀՆԱ ներուժի գնահատման հարցի շուրջ» հոդվածը: Մեզ հետ զրույցում ԳՈւԼ ղեկավարը նշեց, որ այն համապատասխան հետազոտության միջանկյալ արդյունքների որոշակի ամփոփում է, քննարկվել է ՀՊՏՀ գիտական նստաշրջանի կլոր սեղանում:

Սերգեյ Սուքիասյանն իր «Ֆինանսական ներգրավվածության նշանակության մասին» հոդվածում վերլուծել է ֆինանսական ներգրավվածության մի շարք հարցեր:

ՀՊՏՀ Լրատվության և հասարակայնության հետ կապերի բաժին