Աշխատաժողով՝ «PEOPLE» ծրագրի շրջանակներում
![](https://asue.am/images/1521617881/abc2cd110300a9a281144e56.jpg)
ՀՊՏՀ անձնակազմի կառավարման բաժնից հայտնում են, որ Եվրոպական Միության Տեմպուսի «Մարդկային գործոնի միջոցով կրթական հաստատությունների առաջխաղացում» («PEOPLE» ) ծրագրի շրջանակներում Հայաստանի պետական տնտեսագիտական և Հայ-ռուսական (Սլավոնական) համալսարաններում 2015 թվականի հունվարի 15-ին և 16-ին ներառյալ տեղի է ունեցել աշխատաժողով (In- house Workshop):
Աշխատաժողովի ընթացքում քննարկվել են հիմնահարցեր ծրագրի նպատակների և արդյունքների, աշխատակազմի հավաքագրման, ակադեմիական և վարչական աշխատակազմի գնահատման, թիմային աշխատանքի և համագործակցության, վեճերի լուծման, աշխատանքի պայմանների, մոտիվացիայի, անձնակազմի առաջխաղացման մեխանիզմների և այլ հիմնախնդիրների վերաբերյալ:
2015 թվականի հունվարի 15-ին Հայաստանի պետական տնտեսագիտական համալսարանում կայացած աշխատաժողովին մասնակցել են մեր գործընկեր՝ Հայ-ռուսական (Սլավոնական) համալսարանի ներկայացուցիչները:
ՀՊՏՀ Լրատվության և հասարակայնության հետ կապերի բաժին