Եզրափակվեցին ՈւՀԱ մրցելույթները (լուսանկարներ)
ՀՊՏՀ մեծ դահլիճում այսօր «Ուսանողական գարուն-2014» փառատոնի շրջանակներում ելույթ ունեցան ՏԿ և ՄՏՀ, ֆինանսական, մարքեթինգի և բիզնեսի կազմակերպման ֆակուլտետների ՈւՀԱ թիմերը: Հիշեցնենք, որ երեկ ելույթ են ունեցել կառավարման, ինֆորմատիկայի և վիճակագրության ու հաշվապահական հաշվառման և աուդիտի ֆակուլտետները:
Այսօրվա ելույթները ևս մեծ ոգևորություն ու ծիծաղ պարգևեցին հանդիսատեսին:
Ելույթների ավարտից հետո բոլոր ֆակուլտետների թիմերի ավագների միջև անցկացվեց մրցույթ. ավագները կարդացին իրենց հեղինակած հումորային փոքրիկ պատմությունները: Այս մրցույթում հաղթող ճանաչվեց մարքեթինգի և բիզնեսի կազմակերպման ֆակուլտետը:
Մայիսի 29-ին կայանալիք միջոցառմանը՝ գալա համերգին, երգ ու պարի մրցույթից հետո կհայտարարվի հաղթող ֆակուլտետի թիմի անունը:
ՀՊՏՀ Լրատվության և հասարակայնության հետ կապերի բաժին