ՀՊՏՀ հրաձիգները՝ հանրապետական խաղերի հաղթողներ
![](https://asue.am/images/1521743630/0ca4406fb8630c6bd4f06bcd.jpg)
ՀՀ 18-րդ հանրապետական ուսանողական մարզական խաղերի աշնանային փուլի շրջանակում հոկտեմբերի 7-ին տեղի է ունեցել հրաձգության առաջնությունը, որին մասնակցել են 8 բուհերի ուսանող-հրաձիգներ:
Աղջիկների անհատական մրցապայքարում 1-ին տեղն է զբաղեցրել ՀՊՏՀ ֆինանսական ֆակուլտետի 4-րդ կուրսի ուսանողուհի Նարինե Հակոբյանը: Թիմային պայքարում ՀՊՏՀ հրաձիգները զբաղեցրել են 2-րդ հորիզոնականը՝ զիջելով ԵՊՀ թիմին: Այս մասին տեղեկացնում է մեր համալսարանի ֆիզդաստիարակության, ԱԻ և քաղպաշտպանության ամբիոնի դոցենտ, հրաձգության բաժանմունքի մարզիչ Հակոբ Կյոկչյանը:
![](https://asue.am/images/1521743630/259e36a0889f9e30f07fec00.jpg)
«Մրցումներն անցկացվել են մարտական «Մարգուլին» տեսակի ատրճանակով, իսկ մեր բաժանմունքում ուսանողները մարզվում են հրացանով, բայց երկուսի դեպքում էլ սկզբունքը նույնն է: Ընդհանուր առմամբ մեր ուսանողների մասնակցությունը հաջող էր»,-ասաց մարզիչը:
Հավելենք, որ ՀՊՏՀ հրաձիգների թիմը հանդես է եկել հետևյալ կազմով՝ Նարինե Հակոբյան, Էդգար Ղամբարյան (ֆինանսական ֆակուլտետ), Նորայր Անտոնյան (ինֆորմատիկայի և վիճակագրության ֆակուլտետ):
Շնորհավորում ենք մեր մարզիկներին:
ՀՊՏՀ Լրատվության և հասարակայնության հետ կապերի բաժին