Այսօր մեկնարկում է 13-րդ հանրապետական ուսանողական մարզական խաղերի առաջնության բասկետբոլի մրցաշարը
15.10.2012
Դիտումների քանակ՝ 727
Այսօր կմեկնարկի ՀՀ ԶՈՒ կազմավորման 20-ամյակին նվիրված 13-րդ հանրապետական ուսանողական մարզական խաղերի առաջնության բասկետբոլի մրցաշարը: ՀՊՏՀ ֆիզդաստիարակության ամբիոնի դասախոս, ՀՊՏՀ բասկտբոլի տղաների հավաքականի մարզիչ Հակոբ Կյոկչյանի տեղեկացմամբ` երկու ենթախմբերում ընդգրկվել են հանրապետության տարբեր բուհերի 8 հավաքականներ: ՀՊՏՀ մարզչի խոսքով` առաջին ենթախմբում են Երևանի պետական բժշկական, Երևանի պետական, Հայաստանի պետական ագրարային, Հայաստանում ֆրանսիական համալսարանների, իսկ երկրորդում` Հայաստանի պետական տնտեսագիտական, Գյումրու պետական մանկավարժական, Վանաձորի պետական մանկավարժական և Հայաստանի պետական ճարտարագիտական համալսարանների թիմերը: 1-4-րդ տեղերի համար կպայքարեն ենթախմբերում առաջին երկու հորիզոնականները զբաղեցրած հավաքականները:
Բոլոր խաղերը տեղի կունենան Երևանի պետական համալսարանի մարզադահլիճում:
Այսօր, ժամը 16.30-ին ՀՊՏՀ բասկետբոլիստները կմրցեն Գյումրու պետական մանկավարժականի տղաների հետ: ՀՊՏՀ թիմի երկրպագուներն իրենց ներկայությամբ կարող են ոգևորել ու աջակցել մեր թիմին:
Դիտարժան խաղ և հաղթանակներ ենք մաղթում ՀՊՏՀ մարզիկներին:
ՀՊՏՀ Լրատվության և հասարակայնության հետ կապերի բաժին
Այսօր, ժամը 16.30-ին ՀՊՏՀ բասկետբոլիստները կմրցեն Գյումրու պետական մանկավարժականի տղաների հետ: ՀՊՏՀ թիմի երկրպագուներն իրենց ներկայությամբ կարող են ոգևորել ու աջակցել մեր թիմին:
Դիտարժան խաղ և հաղթանակներ ենք մաղթում ՀՊՏՀ մարզիկներին:
ՀՊՏՀ Լրատվության և հասարակայնության հետ կապերի բաժին