Ավարտվել է ՀՊՏՀ հեռակա ուսուցմամբ մագիստրատուրայի դիմորդների հայտագրումը

Հիշեցնենք, որ Հայաստանի պետական տնտեսագիտական համալսարանը 2012-2013 ուսումնական տարվա հեռակա ուսուցման համար օգոստոսի 10–ից հայտարարել էր մագիստրատուրայի կրթական ծրագրերով ընդունելություն և սկսել դիմում հայտերի ընդունումը:
Հեռակա ուսուցմամբ մագիստրատուրայի դիմորդներին մեկ անգամ ևս հիշեցնենք, որ մագիստրատուրայի ընդունելության քննությունների հարցաշարերը տեղակայված են ՀՊՏՀ պաշտոնական կայքի (asue.am) «Ընդունելություն» խորագրի «Մագիստրատուրա» բաժնի «ՀՊՏՀ առկա (վճարովի) և հեռակա ուսուցմամբ մագիստրատուրայի 2012-2013 ուսումնական տարվա ընդունելության հարցաշարեր» վերնագրի ներքո: 

ՀՊՏՀ Լրատվության և հասարակայնության հետ կապերի բաժին