Անկախության տոնը՝ ՀՊՏՀ ֆինանսատնտեսագիտական քոլեջում
22.09.2017
Դիտումների քանակ՝ 2010
ՀՀ անկախության 26-ամյակը հանդիսավորությամբ ու գեղեցիկ միջոցառմամբ է նշվել նաև ՀՊՏՀ ֆինանսատնտեսագիտական քոլեջում. սեպտեմբերի 20-ին տեղի ունեցած հայրենասիրական միջոցառումը կրթօջախի բակում մեկտեղել է դասախոսներին, ուսանողներին, հյուրերի, մասնակցել է տնօրեն Սերգեյ Խառատյանը: Այս մասին տեղեկացնում են քոլեջից:
Հանդիսության շրջանակում ՀՊՏՀ ֆինանսատնտեսագիտական քոլեջում հյուրընկալվել են ՀՀ ՊՆ Վազգեն Սարգսյանի անվան ռազմական համալսարանի ներկայացուցիչները՝ իրենց ելույթներով ու մարտական զենքերի ցուցադրությամբ գրավելով մասնակիցների ուշադրությունը: Հայրենասիրական երգ ու պարով հանդես են եկել քոլեջի սաները՝ բարձր ռազմահայրենասիրական տրամադրությամբ տոգորելով ներկաներին:
ՀՊՏՀ Լրատվության և հասարակայնության հետ կապերի բաժին