Հարգանքի տուրք և ոգեկոչման արարողություն՝ «Եռաբլուր» փառքի պանթեոնում

Դիտումների քանակ՝ 1312

Մեր համալսարանի ուսանողական խորհրդի  և Հայաստանի երիտասարդական հիմնադրամի համատեղ նախաձեռնությամբ կազմակերպված՝  ՀՀ անկախության 26-րդ տարեդարձին նվիրված   միջոցառումների  շրջանակում ՀՊՏՀ 200 ուսանող սեպտեմբերի 21-ի օրամուտը դիմավորել է «Եռաբլուր» փառքի պանթեոնում: Համալսարանականները ծաղկեպսակներ են դրել ազատամարտիկների շիրիմներին, մոմեր վառել, ոգեկոչել նահատակների հիշատակը, այնուհետև հոգևոր այրերի առաջնորդությամբ սուրբ աղոթք հղել առ Աստված:

ՀՊՏՀ դասախոս Հարություն Արզումանյանն ընթերցել է ՀՀ անկախության հռչակագիրը, ապա ուսանողները միասնաբար հնչեցրել են  հայոց օրհներգը:

ՈւԽ նախագահ Հովհաննես Հարությունյանը, արժևորելով անկախություն գաղափարը, կարևորել է հանուն հայրենիքի զոհված հերոսների հիշատակին նվիրված միջոցառումները, նշել, որ դրանք տարեցտարի ավելի շատ ուսանողների են համախմբում:

ՀՊՏՀ Լրատվության և հասարակայնության հետ կապերի բաժին