ՀՊՏՀ դասախոսներն այցելել են ավագ դպրոց

Դիտումների քանակ՝ 1964

Տնտեսագիտական համալսարանի և ավագ դպրոցների համագործակցության ծրագրի շրջանակներում այսօր նշված ծրագրի ղեկավար, լեզուների ամբիոնի դասախոս Լուսինե Կարագուլյանը և ծրագրի՝ ֆինանսական ֆակուլտետի պատասխանատու, տ.գ.թ., ասիստենտ  Լուսինե Հարությունյանն այցելել են Երևանի Գրիգոր Զոհրապի անվան թիվ 43 ավագ դպրոց և հանդիպել 10-12-րդ դասարանների աշակերտների հետ: Միջոցառմանը ներկա է եղել դպրոցի տնօրեն Մանյակ Ազիզյանը:

Ավագ դասարանների աշակերտների համար ժամանակակից մասնագիտությունների,   բուհական կյանքի վերաբերյալ տեղեկությունները  հատուկ կարևորություն ունեն և այս առումով դասախոսների  այցելությունները հետաքրքրական են նրանց համար:

Մեր ներկայացուցիչները խոսել են Տնտեսագիտական համալսարանի ֆակուլտետների, մասնագիտությունների մասին, անդրադարձել ընդունելության կարգին:

Լրատվության և հասարակայնության հետ կապերի բաժնի հետ զրույցում Լուսինե Կարագուլյանն ասաց, որ  դպրոցի հետ համագործակցությունը կսերտացվի տարբեր միջոցառումներով: «Տնօրենի հետ  պայմանավորվածություն է ձեռբերվել առաջիկայում  փոխադարձ այցելություններ կազմակերպելու,  տնտեսագիտական հոսքի աշակերտներին    ՀՊՏՀ-ում վերապատրաստելու, ուսանողական և աշակերտական խորհուրդների միջև շփում ստեղծելու  և այլ ուղղություններով»,-մանրամասնեց ծրագրի պատասխանատուն ու հավելեց, որ աշակերտները հետաքրքրված են օրինակ, մարքեթինգի, զբոսաշրջության ոլորտին առնչվող մասնագիտություններով և ցանկություն են հայտնել այս թեմաներով դասախոսություններ լսելու:

ՀՊՏՀ Լրատվության և հասարակայնության հետ կապերի բաժին