Դասախոսություն՝ գլխավոր ֆինանսական տնօրենի բանախոսությամբ

ՀՊՏՀ ուսանողական խորհրդի արտաքին կապերի հանձնաժողովի նախաձեռնությամբ այսօր մեր համալսարանում  «Ֆինանսները՝ ոչ ֆինանսիստների համար» խորագրով դասախոսություն ներկայացրեց «Galaxy Concern» ընկերության գլխավոր ֆինանսական տնօրեն Մինաս Սահակյանը: Դասախոսությունը հետաքրքրել էր տարբեր ֆակուլտետների  մի քանի տասնյակ ուսանողների: Բանախոսն անդրադարձավ ֆինանսների ճշգրիտ կառավարման հմտություններին,  ֆինանսական պլանավորման, կապիտալ ներդրումների, բիզնեսի ֆինանսավորման, կառավարչական հաշվառման հիմնական խնդիրներին: Աշխատաշուկայում մրցունակ կադր դառնալու համար Մինաս Սահակյանը կարևորեց  ինքնակրթության դերը: Նա կոչ արեց ուսանողներին չընկճվել անհաջողություններից և նշեց, որ հաղթանակը ծնվում է անհաջողությունը վերլուծելիս:

Մեզ հետ զրույցում ՈւԽ արտաքին կապերի հանձնաժողովի նախագահ Զեփյուռ Ալեքսանյանը նշեց, որ նոր ուսումնական տարվա մեկնարկի հետ՝ ուսանողական խորհուրդը սկսել է ուսանողների մասնագիտական գիտելիքները լրացնող սեմինարների կազմակերպումը: Նշենք, որ սեմինարներին հրավիրվում են համապատասխան ոլորտի փորձառու մասնագետներ:

ՀՊՏՀ Լրատվության և հասարակայնության հետ կապերի բաժին