Դիպլոմների հանձնում ՀՊՏՀ Եղեգնաձորի մասնաճյուղում

ՀՊՏՀ Եղեգնաձորի մասնաճյուղում պաշտոնական և հանդիսավոր արարողությամբ դիպլոմներ են հանձնվել 2016-2017 ուսումնական տարվա բակալավրիատի և մագիստրատուրայի շրջանավարտներին: Այդ առիթով հուլիսի 12-ին մայր բուհից մասնաճյուղ են այցելել ՀՊՏՀ ուսումնակազմակերպական աշխատանքների գծով պրոռեկտոր Միհրդատ Հարությունյանը և տնտեսության կարգավորման և միջազգային տնտեսական հարաբերությունների ֆակուլտետի դեկան Գրիգոր Նազարյանը։ Բացման և շնորհավորանքի խոսքով հանդես է եկել մասնաճյուղի տնօրեն Սոս Խաչիկյանը՝  մասնագիտական կայացման ճանապարհին շրջանավարտներին մաղթելով նորանոր հաջողություններ և ձեռքբերումներ:

Այս մասին տեղեկանում ենք ՀՊՏՀ Եղեգնաձորի մասնաճյուղի ֆեյսբուքյան պաշտոնական էջից:

ՀՊՏՀ Լրատվության և հասարակայնության հետ կապերի բաժին