Հոկտեմբերի 22-ին կսկսվեն ՀՊՏՀ հեռակա ուսուցմամբ մագիստրատուրայի 1-ին կուրսերի դասերը

Հոկտեմբերի 22-ին ՀՊՏՀ բոլոր ֆակուլտետներում կմեկնարկի հեռակա ուսուցմամբ մագիստրատուրայի 1-ին կուրսերի ուսումնառության գործընթացը` 4 շաբաթ տևողությամբ: Ինչպես ՀՊՏՀ լրատվության և հասարակայնության հետ կապերի բաժնին տեղեկացրեցին ֆակուլտետների դեկանները, դասապրոցեսը ֆակուլտետներում կկազմակերպվի տարբեր հերթերով: Այսպիսով, ֆինանսական ու մարքեթինգի և բիզնեսի կազմակերպման ֆակուլտետներում դասերի մեկնարկը 9.30-ին է, իսկ կառավարման, հաշվապահական հաշվառման և աուդիտի, տնտեսության կարգավորման և ՄՏՀ-ի ու ինֆորմատիկայի և վիճակագրության ֆակուլտետներում դասապրոցեսը կկազմակերպվի երկրորդ հերթում և կսկսվի ժամը 14.05-ին: